Fargjald miðast við aðra leið frá Ísafirði til Lónafjarðar
>>>Bóka ferð til baka til Ísafjarðar<<<

Lónafjörður liggur á milli Veiðileysufjarðar og Hrafnsfjarðar í Jökulfjörðum. Lónanúpur gengur fram í sjó sunnan við fjörðinn en andspænis honum er Múli. Lónafjörður er þröngur og erfiður yfirferðar og ekki hægt að ganga inn fjörðinn undir Einbúa nema í fjöru. Þar fyrir innan eru lón sem sögð eru botnlaus og ná að fjallinu Einbúa sem gengur fram í sjó í fjarðarbotninum. Í lónunum er mikið um sel. Utan við fjarðarmynnið að vestan var bærinn Kvíar sem fór í eyði 1948.

Vinsamlega kynnið ykkur umgengnisreglur um friðland. 

Aðkoma:
Farið í land á léttbát.

Ferðatími: 1 klst og 30 mín.
Uppgefinn tími miðast við beina siglingu en ef við komum á leiðinni þá lengist tíminn.

Lágmarksfjöldi: 5 farþegar

• Til að minnka óþarfa tafir og óþægindi fyrir aðra farþega eru það tilmæli okkar að hver farþegi hafi ekki nema 20 kg meðferðis og vel sé gengið frá farangri þar sem við förum í land í léttbát. Allt sem telst óeðlilega umfram farangur er rukkað sérstaklega fyrir eða 4.000 kr. (Hakað við í bókun).
• Hægt er að skutlast með trúss/farangur til Reykjarfjarðar, Látravíkur eða Dranga fyrir 1500 kr. (Hakað við í bókun).
• Trússið/farangurinn Ísafjarðarmegin þarf að berast fyrst til Norðurfjarðar til þess að komast á þessa áfangastaði.
• Allur dýr búnaður er á ábyrgð eiganda.Auka farangur
• Kajak eða aðrir stórir hlutir þarf að panta fyrirfram og kostar 4.000 kr.
• Hundar eru velkomnir en þurfa vera í bandi eða búri.
• Landeigendur sem þurfa að flytja vörur eða byggingarefni vinsamlegast hafið samband áður.

Frekari upplýsingar hafið samband við standferdir@strandferdir.is

Fatnaður

Það eru tilmæli okkar að fólk hafi með sér viðeigandi fatnað eftir veðurspá. Veðurskilyrði geta þó breyst hratt og því er nauðsynlegt að hafa með sér hlý föt. Gott er að hafa föt til skiptana, vatnsheld föt og viðeigandi skóbúnað.
Á Íslandi er veðrið oft óútreiknanlegt og er fatnaður því mikilvægur þáttur í ferðum á Hornstrandir.

Sóttvarnir

Farþegar eru beðnir um að huga að eigin sóttvörnum og fylgja þeim sóttvarnareglum sem eru í gildi í samfélaginu. Tilmæli stjórnvalda um grímunotkun og sótthreinsun eiga við um borð til þess að draga úr líkum á smitum og vernda aðra farþega.
Virðum sóttvarnareglur, hugum að eigin hreinlæti og notum grímur.

Gönguleið er frá Kvíum í Rangala. Úr Rangala liggur leið um Rangalaskarð í Hornvík.

Úr Miðkjós um Snjóaskarð í Drífandisdal til Smiðjuvíkur úr Sópanda liggja tvær leiðir. Önnur er til Barðsvíkur um Þrengsli (10-12) sem er sérstæð leið og hin liggur bratt um Fannalágarfjall yfir í Hrafnsfjörð.