Fargjald miðast við aðra leið til Látravíkur
>>>Bóka ferð til baka á Norðurfjörð<<<

Látravík er næsta vík fyrir austan Hornvík og er á friðlandi. Uppi á Hornbjargi eru tindar, hæstir eru Kálfatindar. Þeir ná 534 metra hæð yfir sjó. Hornbjarg er þverhnípt sjávarbjarg, hæsta bjarg á Íslandi. Bergið er gamalt, með því elsta á Íslandi, 15–16 milljón ára gamalt. Það er eitt af þremur mestu fuglabjörgunum á Íslandi. Venja hefur skapast að telja saman varpfugla í Hælavíkurbjargi og Hornbjargi enda eru þau skammt frá hvort öðru, sitt hvoru megin við Hornvík. Hornbjargsviti var reistur 1949 og hefur verið sjálfvirk veðurathugunarstöð síðan 1995. Nú rekur Ferðafélag Íslands gistingu og tjaldsvæði að sumri til en engin byggð er þar lengur að vetri til.

Vinsamlega kynnið ykkur umgengnisreglur um friðland.

Aðkoma:
Farið í léttbát í land.
Ef ófært er í landtök í Látravík þá er farið á land í Hornvík (Hornbær)

Ferðatími: 1 klst og 45 mín.
Uppgefinn tími miðast við beina siglingu en ef komum við á leiðinni þá lengist tíminn.

Lágmarksfjöldi: 7 farþegar

Gisting á vegum Ferðafélag Íslands.

• Til að minnka óþarfa tafir og óþægindi fyrir aðra farþega eru það tilmæli okkar að hver farþegi hafi ekki nema 20 kg meðferðis og vel sé gengið frá farangri þar sem við förum í land í léttbát. Allt sem telst óeðlilega umfram farangur er rukkað sérstaklega fyrir eða 5.000 kr. (Hakað við í bókun).
• Hægt er að skutlast með trúss/farangur til Reykjarfjarðar, Látravíkur eða Dranga fyrir 2.500 kr. (Hakað við í bókun).
• Trússið/farangurinn Ísafjarðarmegin þarf að berast fyrst til Norðurfjarðar til þess að komast á þessa áfangastaði.
• Allur dýr búnaður er á ábyrgð eiganda.Auka farangur
• Kajak eða aðrir stórir hlutir þarf að panta fyrirfram og kostar 5.000 kr.
• Hundar eru velkomnir en þurfa vera í bandi eða búri.
• Landeigendur sem þurfa að flytja vörur eða byggingarefni vinsamlegast hafið samband áður.

Frekari upplýsingar hafið samband við standferdir@strandferdir.is

Fatnaður

Það eru tilmæli okkar að fólk hafi með sér viðeigandi fatnað eftir veðurspá. Veðurskilyrði geta þó breyst hratt og því er nauðsynlegt að hafa með sér hlý föt. Gott er að hafa föt til skiptana, vatnsheld föt og viðeigandi skóbúnað.
Á Íslandi er veðrið oft óútreiknanlegt og er fatnaður því mikilvægur þáttur í ferðum á Hornstrandir.

Sóttvarnir

Farþegar eru beðnir um að huga að eigin sóttvörnum og fylgja þeim sóttvarnareglum sem eru í gildi í samfélaginu. Tilmæli stjórnvalda um grímunotkun og sótthreinsun eiga við um borð til þess að draga úr líkum á smitum og vernda aðra farþega.
Virðum sóttvarnareglur, hugum að eigin hreinlæti og notum grímur.

Gönguleiðir:
Höfn – Hornbjarg (13 km 8 -10 klst.)
Um Kýrskarð eða Almenningsskarð á leið til Hornvíkur.
Axarfjall og niður Hrollleifsvík á leið í Smiðjuvík.